Wings'n Wheels 2016

WW2016Nú styttist í hinn árlega viðburð okkar hjá FKM sem er Wings'n Wheels og verður haldin laugardaginn 27. ágúst. Wings'n Wheels hefur þá sérstöðu að vera samsýning flugvéla, bíla og Ferguson dráttarvéla þannig að hér er eitthvað fyrir alla.

Þetta er án efa stærsti viðburður okkar félagsmanna á árinu og hefur notið vaxandi vinsælda hjá almenningi, flugáhugafólki, dráttarvélaunnendum og bíladellufólki. Metnaður klúbbsins fyrir sýningunni þetta árið verður engu minni en áður. Finna má nánari upplýsingar um dagskránna á Facebook síðu viðburðarins, eða með því að smella hér.

Búið er að senda fréttabréf á félagsmenn og óska eftir sjálfboðaliðum við sýninguna og vonumst við eftir góðum viðbrögðum.

 

Flugkveðja,

Stjórn FKM

Breytingar á tilhögun sjónflugs í nágrenni Rvk.

13323823 633368640144126 8485442931544394055 o1. júní 2016 tók í gildi breyting á tilhögun sjónflugs í nágrenni BIRK og Austursvæðis. 

Tíðni austursvæðis er nú sú sama og á Sandskeiði, 119.9MHz. Sérstök athygli er vakin á hæð umferðarhrings á BIMS, sem hér eftir verður 700 fet MSL/AGL. 

Endilega smellið hér til að komast inn á síðu Samgöngustöfu og kynnið ykkar þær breytingar sem hafa átt sér stað. Það er gert með því að smella síðan á tengil undir fyrirsögninni á forsíðu Samgöngustofu og þá opnast glærukynning í PowerPoint.


Úrslit úr lendingarkeppni 2016 (fyrri hluti)

Lendingarkeppni FKM, Úrslit úr fyrri hluta, 2 júní 2016.

Alls tóku 9 keppendur þátt í fyrri hluta lendingarkeppni FKM sem fór fram 2. júni. Mjög gott veður var og príðisgóð mæting þótt þátttakendur hefðu mátt vera fleiri.

Niðurstöður keppninar eru:

1. Sigurjón Valsson TF-PAC 47 refsistig
2. Hjörtur Þór Hauksson TF-RJC 236 refsistig
3. Bergur Ingi Bergsson TF-BGH 280 refsistig
4. Þorsteinn Hauksson TF-RJC 287 refsistig
5. Hafsteinn Jónasson TF-PAC 464 refsistig
6. Jón Sverrir Jónsson TF-ULV 510 refsistig
7. Ragnar Haraldsson TF-FRK 536 refsistig
8. Halldór Ó. Zoëga TF-RJC 760 refsistig
9. Magnús Norðdahl TF-KAK 1003 refsistig