• Vetrarflug

    Snjór og kuldi

    kemur ekki í veg fyrir að klúbbmeðlimir flögri um að vetrarlagi.

    Lesa meira

  • Wings and wheels

    Einu sinni á ári

    Skemmtileg sýning fyrir alla fjölskylduna á gömlum bílum og flugvélum.

    Lesa meira

  • Lendingakeppnir

    Landsfræg keppni

    Klúbburinn stendur fyrir ýmsum keppnum á hverju ári, þar á meðal hinni vinsælu lendingakeppni.

    Lesa meira
› ‹
  • 1
  • 2
  • 3

Velkomin á heimasíðu Flugklúbbs Mosfellsbæjar - www.fkm.is

Flugklúbbur Mosfellsbæjar hefur aðsetur á Tungubakkaflugvelli við Leirvog í Mosfellsbæ. Þar eru um 20 flugvélar, 7 flugskýli ásamt klúbbhúsi félagsmanna.

Flug&Fákar 28 júlí á Egilsstöðum

Hátíðin Flug&Fákar verður haldin þann 28 júlí á Egilsstaðaflugvelli.  Þetta er í annað skiptið sem hátíðin er haldin en mjög vel tókst til þegar fyrsta hátíðin var haldin árið 2022.  Gefum skipuleggendum orðið:

Ótrúlegt að hugsa til þess að nú í sumar verði tvö ár síðan að flughátíðin Flug&Fákar var síðast haldin á Egilsstaðaflugvelli. Hátíðin 2022 fór fram úr öllum okkar væntingum. Veðurguðirnir voru með okkur í liði, fjöldi flugvéla kom, um 1400 gestir mættu á flugvöllinn og vélar annaðhvort voru til sýnis eða sýndu listir sínar. Bandaríski herinn sendi P-8 kafbátaleitarvél til okkar sem auðvitað sló í gegn, ásamt því að vél Icelandair lenti og gat fólk skoðað hana með gestsauga í stað augum ferðalangsins eins og vanalega. Börn og fullorðnir nutu þess að skoða fornbíla, 4x4 jeppa, slökkvibíla, snjómoksturstæki, gamla traktora og fólk fylgdist með spyrnu milli bíls og flugvélar.
Í stuttu máli; ótrúlegur dagur sem við erum óendanlega þakklát fyrir að hafa fengið að njóta með ykkur.
Örvæntið ekki, því við ætlum að standa við gefin loforð og halda Flug&Fáka annað hvert ár og því eigið þið von á góðu á Bræðslu-sunnudaginn 28.júlí 2024. Þá munu vélar af öllu tagi vera til sýnis og jafnvel verða einhverjar nýjungar í ár þar sem við erum þegar farin að kíkja innum glugga á hverjum bílskúr í bænum og sjá hverju fólk lumar á sem gaman væri að skoða betur.
Það eru fáir staðir á landinu með jafnríka græjumenningu og við hér á Austurlandi, sást það greinilega á því hve ótrúlega margir sóttu hátíðina 2022 heim, sem gerði hana að stæstu bæjarhátíð ársins, þó frumraun væri.
Við vonumst til að sjá sem allra flesta.
VRÚMM, VRÚMM!
 
Vonandi sér sem flest flugáhugafólk af suðvesturhorninu sér fært að mæta.  Helst fljúgandi, að sjálfssögðu!
 

Wings and wheels hátíðin 31. ágúst 2024

Wings and wheels hátíðin hefur undanfarin fjöldamörg ár verið haldin á flugvellinum á Tungubökkum í tengslum við bæjarhátíðina í Mosfellsbæ, "Í túninu heima".  Undanfarin ár hefur hátíðin verið samstarfsverkefni Flugklúbbs Mosfellsbæjar, Ferguson félagsins og fornbílaklúbbsins.  

Í ár verður hátíðin haldin þann 31. ágúst milli klukkan 12 og 17 en síðasta dagskráratriðið er karamellukast fyrir börnin sem verður klukkan 16:30 stundvíslega.

Hátíðin er mjög umfangsmikil og krefst margra sjálfboðaliða við umferðarstjórnun, sölu og bakstur í sjoppunni okkar ásamt öryggisvörslu við flugvöllinn.  Ef þú hefur tök á að bjóða fram krafta þína sem sjálfboðaliði þann 31. ágúst, þá endilega hafðu samband á This email address is being protected from spambots. You need JavaScript enabled to view it. 

Lendingarkeppni FKM Tynes bikarinn - fyrri hluti

Fyrri hluti lendingarkeppni FKM fór fram í blíðskaparveðri á flugvellinum á Tungubökkum fyrr í dag.   Nokkur fjöldi fólks mætti á staðinn til að fylgjast með keppninni og boðið var upp á kaffi, nýbakaðar vöfflur og kökur í klúbbhúsinu.

Samtals voru 11 keppendur og var keppnin gríðarlega skemmtileg.  Hérna fyrir neðan má sjá hvernig lendingar voru framkvæmdar:

1. Lending  - Frjáls aðferð.  

2. Lending - Lending án afls.  Afl dregið niður í hægagang þvert af marki

3. Lending - Lending án afl og án flapa

4. Lending - lent yfir 2 metra háa línu 50 metra frá markinu.

 

 

Aðalfundur 2022

Aðalfundur FKM var haldinn í klúbbhúsinu fimmtudaginn 31.03.22 kl. 19:00. Farið var í gegnum hefðbundna dagskrá þar sem formaður las upp skýrsla síðasta árs, reikningar voru lagðir fram til samþykktar og kosið í stórn.

Að þessu sinni voru tveir félagar sem gáfu ekki kost á sér til áframhaldandi setu í stjórn. Valdimar Einarsson sem verið hefur í stjórn til fjölda ára og ritað fundargerðir af mikilli alúð, ákvað að snúa sér að nýjum verkefnum og Guðmundur Guðjónsson sem séð hefur um klúbbvélina RJC síðustu 3 árin ákvað einnig að snúa sér að öðru. Þeirra í stað voru kosin þau Daníel Pétur Finnson og Telma Rut Frímansdóttir til næstu tveggja ára og bjóðum við þau velkomin í stjórn.

Önnur mál voru ekki á dagskrá fundarins að þessu sinni.